Það eru mismunandi leiðir að rafbókum og fer það eftir hvar bækurnar eru hýstar.

Nauðsynlegt að lesa leiðbeiningar og skilmála vel áður en rafbók er keypt. Rafbók getur nýst á svo margan annan hátt en að vera bara texti á skjá.

Við hjá Bóksölunni bjóðum upp á mikla breidd í rafbókum með mismunandi notkunarmöguleika og viðmót:

  • Rafbókahillan – Keyptar bækur eru hýstar undir flipanum Rafbókahillan mín, en auk þess er hægt að hlaða niður forriti/appi sem heitir Bookshelf til að lesa bókina þína þegar þú ert ekki nálægt nettengingu.  Í þessar rafbækur getur þú skrifað glósur og tengt við textann, notað yfirstrikun og leitað að orðum innan bókar. Einnig er hægt að fá merkingu orða í gegnum Wikipedia og hlusta á bókina. Hér eru myndbands leiðbeiningar um notkun Bookshelf forritsins.
  • Rafbækur í epub og pdf – Þú hleður niður skrá sem opnast í því lestrarforriti sem þér finnst þægilegast að nota, en við mælum með Adobe Digital Editions eða Blufire reader sem er vinsæll fyrir síma og spjaldtölvur. Hlaða niður Bluefire reader: Android | Apple

Skrefin að Rafbókahillunni

Hvar sem er, hvenær sem er.

Þér býðst að hlaða niður appi til að geta lesið bókina þína án tengingar við internetið.

Bókamerki, yfirstrikun og glósur

Gleymdu að koma með mismunandi yfirstrikunarpenna með þér á bókasafnið. Hér er námið gert auðvelt með því að samstilla síðastu lesnu síðuna þína, bókamerki, minnismiða og yfirstikunina milli tækja! Þú getur sett inn mismunandi yfirstrikunar liti og prentað út síður.

Hlustaðu á bókina

Sumum þykir betra að hlusta um leið og lesið er – sumum finnst bara gott að hlusta. Þessi kostur getur bæði aðstoðað þig við lesturinn og sparað þér tíma. Gott fyrir þá sem stríða við lesblindu.

Leita og góð yfirsýn

Ef þú vilt lesa um tiltekið efni en manst ekki hvar í textanum það er staðsett, getur þú notað innbyggða leit í bókinni. Ef þú manst ekki í hvaða bók viðkomandi setning var, getur þú leitað í allri rafbókahillunni þinni. Ef þú vilt fá meiri upplýsingar um orð í bókinni þá er einfalt að leita á Wikipediu með því að auðkenna orðið og hægrismella.

Skrefin að Rafbókinni (epub og pdf)

Skref 1 - Adobe ID

Til að hægt sé að lesa bókina þarf að auðkenna notendann með Adobe ID, ef þú ert ekki skráður fyrir Adobe ID getur þú ýtt HÉR til að ná þér í ID.

Skref 2 - Hlaða niður lestrarforriti (appi)

Það þarf að hlaða niður forriti (appi) til að lesa bókina. (ADE)

Skref 3 - Samþykkja auðkenni

Þá er komið að því að virkja hlekkinn sem er undir „Mínar rafbækur“ ef rétt hefur verið gert ætti AED að opnast, en beðið er fyrst um Adobe ID auðkennið þitt og síðan keyrir forritið/appið upp bókina þína.

Skref 4 - Lesa bókina og njóta

Nú ætti bókin þín að vera komin fyrir þig að byrja að lesa. Þú getur yfirstrikað í textanum, gert glósur og fleira.

Eigðu góða lesningu.

 

Þetta er svona auðvelt. Bókin er alltaf tiltæk hvar sem þú ert.