Freyja og Frikki eru spennt fyrir hátíðum sumarsins á Íslandi með vinum sínum í Leynifélaginu Púkablístrunni. Þau eiga líka von á góðum gestum alla leið frá Alsír en ferðafélagar þeirra frá því á Galapagos, Chiraz og Omar, eru á leið í heimsókn með óvæntar gleðifréttir í farteskinu. Það stefnir því í frábært sumar.
Það sem tvíburarnir vita þó ekki er að skuggalegur einstaklingur bruggar launráð og setur að lokum fjölskylduna og vini þeirra í stórkostlega lífshættu. Lögreglunni gengur ekkert að kljást við varginn en getur Leynifélagið Púkablístran hjálpað? Leikurinn berst frá Hafnarfirði til Reykjavíkur með viðkomu í höfuðborg Alsír, Algeirsborg.
Vargurinn skuggalegi er skrefinu á undan og virðist vera að vinna slaginn. Klukkan tifar, tíminn er að renna út og spennan verður óbærileg.
Felix Bergsson er leikari, útvarpsmaður og rithöfundur. Felix er einnig landskunnur fyrir barnaefni sitt, bæði fyrir sjónvarp og leikhús og sem annar helmingur í dúóinu Gunni og Felix.
Leynifélag í lífsháska er önnur bókin um Ævintýri Freyju og Frikka sem Drápa gefur út