Árið er 1919. Að fyrri heimsstyrjöldinni lokinni óttast Danir að Ísland geti ekki staðið sig sem fullvalda ríki. Ólíkir hagsmunir milli ríkjanna takast á og til að sætta sjónarmiðin ákveða danskir ráðamenn að senda reyndan stjórnarerindreka til Íslands, hinn íslenskættaða Johannes Erhardt Böggild.
Í bókinni Fyrsti sendiherra á Íslandi er fjallað um sendiherratíð Böggild á Íslandi á árunum 1919–1924. Nýju ljósi er varpað á samskipti Íslands og Danmerkur á tímabilinu og hvernig smáríkið Ísland varð til.