Hann stakk skóflunni niður í dökkbrúna eðjuna og slengdi því sem komið hafði í hana til baka. Að þessu sinni lenti það beint framan í manninn sem kveinkaði sér. Eitthvað harðara en blaut drulla hafði lent á honum. Hann beygði sig niður og tók eitthvað upp. Svo hrópaði hann og sýndi grábleikar leifarnar af mannshönd.
Bæjarstarfsmennirnir, sem hreinsa Hoyvíkurtjörn, koma niður á beinagrind sem C-14 rannsókn sýnir að er um þúsund ára gömul. Uppástungurnar og getgáturnar, um hver sá dauði gæti verið, voru nánast án takmarkana en eitt var fólk þó sammála um og það var að kalla beinagrindina Metúsalem. En svo hringir Sandeyingur nokkur í Hannis Martinsson og segir að sá dauði sé bróðir sinn sem hvarf árið 1961. Frá þeim degi flækist Hannis