Bókin fjallar um ýmsar hliðar líkamsþjálfunar, hvernig hita skal upp fyrir æfingar og keppni eða útfæra þjálfun til að auka þol, öðlast meiri kraft eða bæta liðleika. Einnig er fjallað um þætti sem eru mikilvægir fyrir ólíka eiginleika íþróttafólks, og hvaða áhrif þjálfun hefur á líkamann.
Bókin er ætluð fyrir nám á íþróttabrautum framhaldsskóla og sem kennsluefni í þjálfaramenntun íþróttahreyfingarinnar. Hún ætti einnig að nýtast nemendum á háskólastigi og raunar öllum sem leggja stund á íþróttir.
Bókin Þjálffræði er unnin í nánu samstarfi við Íþrótta- og Ólympíusamband Íslands og hana prýðir fjöldi ljósmynda af íslensku íþróttafólki úr Myndasafni ÍSÍ.