Höfundar: Anders de la Motte og Måns Nilsson
Þegar Jessie Anderson, fasteignasali og áhrifavaldur, finnst myrt á opnu húsi er hinn ferkantaði rannsóknarlögreglumaður Peter Vinston frá Stokkhólmi fenginn til að rannsaka morðið. Honum til aðstoðar er Tove Esping, óreynd en metnaðarfull sveitalögga, sem er staðráðin í að láta Vinston ekki valta yfir sig. En þrátt fyrir árekstra bindast þau smám saman vináttuböndum í leit sinni að sannleikanum. Í einhverju fallegu húsanna í ljúfri sveitasælunni á Skáni leynist kaldrifjaður morðingi. Spurningin er bara: Hver er það?
Dauðinn á opnu húsi er fyrsta sagan í bókaflokknum um Österlen-morðin eftir sænska tvíeykið Anders de la Motte og Måns Nilsson. De la Motte er fyrrverandi lögreglumaður og einn ástsælasti glæpasagnahöfundur Svía og Nilsson er grínisti sem hefur skrifað bæði kvikmyndahandrit og barnabækur.