Fulltrúi afbrýðinnar og fleiri sögur eru sjö eitursnjallar glæpasmásögur eftir norska krimmakónginn Jo Nesbø.
Sterk persónusköpun, hugvitssamar sögufléttur og óvænt endalok einkenna þessar knöppu og vel byggðu frásagnir eins og vænta má af Nesbø – sögumennirnir eru ekki allir þar sem þeir eru séðir. Í brennidepli eru funheitar tilfinningar og mannlegir brestir; afbrýðisemi, þrá, óþol og ótryggð, í sögum sem koma rækilega á óvart.
Jo Nesbø er heimsþekktur fyrir bækur sínar, ekki síst glæpasögurnar um rannsóknarlögreglumanninn harðskeytta Harry Hole sem allar hafa komið út á íslensku. Nesbø er vinsælasti höfundur Noregs fyrr og síðar og bækur hans hafa selst í yfir 55 milljónum eintaka um heim allan.
Jón St. Kristjánsson þýðir.