Friðarsafnið

Flóttamaður á ekki marga möguleika en með heppni og hugmyndaflugi má bjarga sér um stund. Rakel á erfitt með að finna sig í lífinu en eftir að hún stofnar Friðarsafnið hefur það átt hug hennar. Hún leyfir réttlætiskennd sinn að blómastra og ástina fann hún með manninum sem hún hafði þráð en það kostaði hana fórnir. Einn dag í apríl, árið 2019, gengur flóttamaður inn á safnið og biður um að fá að vera í felum í nokkra daga. Það er erfitt að neita bjargarlausum manni um aðstoð en þar með verður Friðarsafnið óvænt að glæpavettvangi og samfélgsmiðlar loga. Á fáum sólarhringum kemst Rakel á snoðir um ýmislegt sem breytir sýn hennar á heiminum. Líf hennar og stúlknanna sem lentu í krumlunum á vinahópnum alræmda verður aldrei samt? Sagan vekur upp spurningar um hvað það er í raun að vera flóttamaður. Hver þarf að flýja og hvers vegna? Er það einungis fólk frá stríðshrjáðum löndum eða getur það hent þá sem búi í friðsömu samfélagi? Spennandi og áleitin skáldsaga sem tekur á margvíslegum birtingamyndum ofbeldis á raunsæjan og áhrifaríkan hátt. Lilja Magnúsdóttir skrifaði smásagnasafnið Gaddavír og gotterí sem kom út 2022 og Svikarann sem kom út 2018.