Verk Lúkíans nutu mikilla vinsælda um langt skeið, ekki síst til kennslu í forngrísku, meðal annars við Bessastaðaskóla á fyrstu áratugum 19. aldar. Hér birtast í óviðjafnanlegri þýðingu Sveinbjarnar Egilssonar samræðurnar „Karon“ og „Tímon“ en jafnframt varnarræða Prómeþeifs og nokkur skondin samtöl grískra guða, að ógleymdri frásögn Lúkíans af draumi í æsku um það hvað hann nú ætti að taka sér fyrir hendur. Þýðingar Sveinbjarnar eru varðveittar í handritum skólapilta. Már Jónsson, prófessor í sagnfræði við Háskóla Íslands, bjó þær til prentunar og skrifar ítarlegan inngang.
Lúkíansþýðingar Sveinbjarnar Egilssonar
4.995 kr.
Lítið magn á lager