Séra Hildur Eir Bolladóttir prestur í Akureyrarkirkju hefur áður gefið út bókina Hugrekki – saga af kvíða (2016) og ljóðabókina Líkn (2019) og var sú fyrrnefnda tilnefnd til Fjöruverðlaunanna 2017.
Hildi Eiri lætur einkar vel að fjalla um erfið mál. Að þessu sinni lýsir hún af einlægni, næmni og húmor glímu sinni við krabbamein og þeim tilfinningum sem fylgja átökunum: Sársauka og sorg en líka gleði, trú, von og sátt.