35 uppskriftir að fjölbreyttum og fallegum tuskum. Tuskur eru nauðsynlegar í öllu heimilishaldi og hvers vegna ekki að prjóna tusku í uppáhaldslitnum og lífga þannig upp á heimilið? Hér er einnig komin fullkomin hugmynd að lítilli gjöf sem alltaf kemur að góðum notum.
Heimaprjónaðar tuskur eru upplagðar fyrir þá sem leita að einföldu og fljótlegu verkefni. Uppskriftirnar eru litríkar og skemmtilegar og tuskur nýtast hvort sem er í eldhúsið eða sem þvottastykki á baðinu.
Guðrún Magnúsdóttir, höfundur Tuskuprjóns, hefur áður sent frá sér sex vinsælar prjónabækur, þar á meðal Sokkaprjón, Húfuprjón og Vettlingaprjón.