Eftir 27 ár neyðist Júlía til að halda aftur heim á æskuslóðirnar. Tilefnið er andlát ömmu hennar; ömmunnar sem ól hana og bróður hennar upp á tilfinningalausan og kaldlyndan hátt.
Sem unglingum var Júlíu og bróður hennar útskúfað úr þessu litla samfélagi og hún kemst fljótlega að því að það hefur ekkert breyst – þau eru enn talin hafa hafa framið alvarlega glæpi. En smám saman raðast minningabrotin saman og úr verður mynd sem hefur mikil áhrif á lífið í smábænum.
Unnur Lilja Aradóttir hlaut glæpasagnaverðlaunin Svartfuglinn fyrir síðustu bók sína, Höggið, sem hlaut mikið lof gagnrýnenda og lesenda.
Úr dómum um Höggið:
„Mjög sniðugt frásagnarform … bókin er mjög læsileg með liprum stíl.“
Sæunn Gísladóttir, Lestrarklefinn
„Bókin er vel uppbyggð, heldur lesandanum og tekið er á ýmsum álitamálum, sem oft eru þögguð niður.“ ????????
Steinþór Guðbjartsson, Morgunblaðið
„Höggið er óvenjuleg spennusaga þar sem undarleg tilfinning grípur lesandann strax á fyrstu síðum bókarinnar. Í lifandi en látlausum texta og hnitmiðaðri frásögn nær höfundurinn föstu taki á lesandanum.“
Úr umsögn dómnefndar Svartfuglsverðlaunanna